ეკატერინე ტიკარაძე - ვთვლი, რომ მიღებული გადაწყვეტილება არის ოქროს შუალედი, როდესაც პასუხისმგებლობას თანაბრად და ძალიან სწორად ინაწილებს როგორც მთავრობა, ასევე ეკლესია და მოქალაქეები

ვთვლი, რომ ეს არის ის ოქროს შუალედი, როდესაც პასუხისმგებლობას თანაბრად და ძალიან სწორად ინაწილებს, როგორც მთავრობა, ასევე ეკლესია და ჩვენი მოქალაქეები , - ამის შესახებ საქართველოს ჯანდაცვის მინისტრმა ეკატერინე ტიკარაძემ „პალიტრანიუსის“ გადაცემაში „360 გრადუსი“ მთავრობისა და საპატრიარქოს ერთობლივ გადაწყვეტილებაზე საუბრისას განაცხადა.

ეკატერინე ტიკარაძის თქმით, სახელმწიფომ მიიღო ყველა ის ზომა, რომელიც უნდა გაეტარებინა სახელმწიფოს, „მაგრამ არ უნდა დაგვავიწყდეს, რომ არსებობს მეორე მხარე, რომელიც უნდა იყოს თვითშეგნებული და გააჩნდეს საკუთარი როგორც მოქალაქეობრივი პასუხისმგებლობა, ასევე პასუხისმგებლობა მისი ახლობლების წინაშე“.

„ჩვენ რატომღაც ამ გადაწყვეტილებებში გვავიწყდება ჩვენი მოქალაქეები და მათი, როგორც მოქალაქეების პასუხისმგებლობა. ასევე, ის თვითშეგნება, რომელიც ჩვენს მოქალაქეებს გააჩნია. გვაქვს მუდმივად მოლოდინი, რომ მთავრობამ მუდმივად უნდა მიიღოს რადიკალური გადაწყვეტილებები. ამ შემთხვევაში, მე ვთვლი, რომ ეს არის ის ოქროს შუალედი როდესაც პასუხისმგებლობას თანაბრად და ძალიან სწორად ინაწილებს როგორც მთავრობა, ასევე ეკლესია და ჩვენი მოქალაქეები. ეს არ გახლავთ მხოლოდ მთავრობის პასუხისმგებლობა და საკუთარ ჯანმრთელობაზე ზრუნვა, პირველ რიგში არის თითოეული მოქალაქის პასუხისმგებლობა“ , - განაცხადა ტიკარაძემ.

მისი თქმით, მნიშვნელოვანია ჩვენმა მოქალაქეებმა გაიაზრონ და გაითავისონ, რა სახის პრობლემის წინაშე დგანან ისინი.

ცნობისთვის, მთავრობის და საპატრიარქოს ერთობლივი გადაწყვეტილებით, ეკლესიები არ დაიხურება, თუმცა მსახურება რეკომენდაციების დაცვით ჩატარდება.

როგორც მთავრობის ადმინისტრაციაში გამართულ ბრიფინგზე პრემიერის პრესსპიკერმა ირაკლი ჩიქოვანმა განაცხადა, მცირე ზომის ეკლესიებში მხოლოდ სასულიერო პირები იქნებიან, დიდი ზომის ტაძრებში კი დაცული იქნება 2-მეტრიანი დისტანცია.

მირიან  მირიანაშვილი - ტრამპს არ მიეცემა საშუალება და ეს დღეს თვალნათლივ ჩანს, რუსეთთან პოლიტიკური ზავი იმდაგვარ ფორმატში დაიდოს, რომელიც რაიმენაირად ზიანს მიაყენებს უკრაინაში დასავლეთის ინტერესებს
ქართული პრესის მიმოხილვა 19.05.2025
„სილქნეტი“ განცხადებას ავრცელებს
ფრანგმა სპეციალისტებმა PSP-ს ქსელის თანამშრომლებისა და ქართველი ინფლუენსერებისთვის ფრანგული დერმატოლოგიური ბრენდის „გამაღდეს“ პრეზენტაცია გამართეს
დეველოპერული კომპანია „ბიოგრაფი ლივინგი“ მოსახლეობას შვეიცარიული „შინდლერის“ ლიფტებით მოემსახურება
პირველი SWISSÔTEL გუდაურში - „პეტრა ჯგუფი“ განვითარების ახალ ეტაპზე გადადის