ზუგდიდის მუნიციპალიტეტმა სოციალურად მოწყვლად 3110 ოჯახს საქველმოქმედო დახმარების , 550 ბენეფიციარს კი სააღდგომო სასურსათო მხარდაჭერის პროგრამის ფარგლებში, სასურსათო კალათები მოუმზადა. ამის შესახებ ინფორმაციას პარლამენტი ავრცელებს.
მათივე ცნობით, საკვები პროდუქტები ასევე გადაეცა ზუგდიდის საბავშვო ბაღების 4280 აღსაზრდელსა და მათ ოჯახებს. სურსათის გადაცემის პროცესს საქართველოს პარლამენტის წევრი, ზუგდიდის მაჟორიტარი დეპუტატი მერაბ ქვარაია, ზუგდიდის მუნიციპალიტეტის მერთან გიორგი შენგელიასთან და საკრებულოს თავმჯდომარესთან მამუკა წოწერიასთან ერთად ესწრებოდა.