თავდაცვის სამინისტრო, 8 ჯარისკაცის კორონავირუსით დაინფიცირების შესახებ გავრცელებულ ინფორმაციას, არ ადასტურებს
საქართველოს თავდაცვის სამინისტროში კატეგორიულად უარყოფენ გავრცელებულ ინფორმაციას, რომლის თანახმადაც 8 სამხედრო მოსამსახურეს კორონავირუსი დაუდასტურდა.
"ეს არის დეზინფორმაცია და სიცრუე",- განუცხადეს „ინტერპრესნიუსს“ საქართველოს თავდაცვის სამინისტროში.
ცნობისთვის, დღეს მედიაში გავრცელდა ინფორმაცია, რომლის თანახმადაც კარანტინში მყოფ 40 სამხედრო მოსამსახურიდან 8 ჯარისკაცს კორონავირუსი დაუდასტურდა და ისინი გორის სამხედრო ჰოსპიტალში არიან გადაყვანილი.
