ბათუმში ლაბორატორიული კვლევის შედეგად 50 პირს კორონავირუსი არ დაუდასტურდა,- ამის შესახებ აჭარის ჯანდაცვის სამინისტროში განაცხადეს.
მათი ინფორმაციით, კვლევის შედეგები ცოტა ხნის წინ გახდა ცნობილი.
ასევე, დილით 100 პირს ლაბორატორიული კვლევა ჩაუტარდა და ვირუსი არ დაუდასტურდა.
ცნობისთვის, აჭარაში საკარანტინო სივრცეში 1500 ადამიანი რჩება, 3300-მა პირმა კი საკარანტინო სივრცე უკვე დატოვა.
ბოლო მონაცემებით, კლინიკა“მედალფაში" 35 ინფიცირებული პირი მკურნალობს, რამდენიმე გამოჯანმრთელებულმა პაციენტმა, შესაძლოა, უახლოეს დღეებში კლინიკა დატოვოს.