ბათუმში რამდენიმე ადამიანმა ქვეყანაში საგანგებო მდგომარეობის გახანგრძლივება გააპროტესტა. მოქალაქეები ცენტრალურ პარკში შეიკრიბნენ და ხელისუფლებას მოუწოდეს, რომ შექმნილი სიტუაციით სარგებლობა შეწყვიტოს. აქციის მონაწილეებმა საგანგებო მდგომარეობის გაუქმება მოითხოვეს.

„სახელმწიფოსთვის იმის დაბრალება, რომ ვირუსი გავრცელდა, შეუძლებელია. უბრალოდ ამ მომენტით, შეშინებული ადამიანებით სარგებლობენ. ჩვენ უნდა ვისხდეთ სახლებში, არ უნდა ვზრუნავდეთ ოჯახებზე და უნდა ველოდოთ, მთავრობა როდის გადმოგვიგდებს დახმარების სახით რამეს“, - განაცხადა აქციის ერთ-ერთმა მონაწილემ, გიორგი ფუტკარაძემ.

ბათუმში საპროტესტო აქცია სოციალური დისტანციის დაცვით გაიმართა.