რუსეთის პრეზიდენტმა, ვლადიმერ პუტინმა რუსეთის მოქალაქეობის მიღების გამარტივების შესახებ ფედერალურ კანონს ხელი მოაწერა. ახალი კანონით, რუსეთის მოქალაქეობის მისაღებად აუცილებელი არ არის განმცხადებელმა სხვა ქვეყნის მოქალაქეობაზე უარი განაცხადოს. ასევე, იმ ადამიანებს, რომლებიც ყოფილ საბჭოთა კავშირში დაიბადნენ, თუმცა არ აქვთ მიღებული მოქალაქეობა, ვალდებულება ეხსნებათ რუსეთში სავალდებულო სამწლიანი ცხოვრების შესახებ. მათ ასევე ეხსნებათ ვალდებულება კანონიერი შემოსავლების წყაროს დადასტურებაზე. აღნიშნული ნორმა ვრცელდება რუსეთის მოქალაქეების უცხოელ მეუღლეებზე, რომლებიც ცხოვრობენ რუსეთში და ჰყავთ საერთო შვილები, ასევე უცხოელებზე, რომელთა ერთ-ერთ მშობელს აქვს რუსეთის მოქალაქეობა და ცხოვრობს რუსეთში.

ცნობისთვის, აღნიშნული დოკუმენტი სამართლებრივი ინფორმაციების ვებგვერდზე უკვე გამოქვეყნდა.