აჭარაში კორონავირუსისგან გამოჯანმრთელებული 78 წლის ქალი კლინიკიდან გაეწერა
აჭარაში 78 წლის ქალი კორონავირუსისგან გამოჯანმრთელდა და კლინიკა „მედალფა“ ცოტა ხნის წინ დატოვა.
"78 წლის ქალს აღენიშნებოდა პნევმონია, თუმცა მკურნალობის შემდეგ, მას აღარ ჰქონდა ვირუსი, რაც ორჯერ ჩატარებულმა ტესტმაც დაადასტურა და პნევმონიისგანაც სრულად განიკურნა. პაციენტმა უკვე დატოვა კლინიკა "მედალფა“, – აღნიშნა „მედალფას“ მენეჯერმა, ლევან ანთაძემ.
რაც შეეხება კლინიკაში მყოფი პაციენტების მდგომარეობას, ლევან ანთაძის ინფორმაციით, მძიმე მდგომარეობაშია კორონავირუსით ინფიცირებული 76 წლის მამაკაცი, ის მართვით სუნთქვაზე იმყოფება.
ცნობისთვის, აჭარაში, კლინიკა "მედალფაში" კორონავირუსით ინფიცირებული 37 პირი მკურნალობს.
