რაჭა ლეჩხუმისა და ქვემო სვანეთის სამხარეო ადმინისტრაციაში მხარის რწმუნებული, არჩილ ჯაფარიძე, დაავადებათა კონტროლის ეროვნული ცენტრის რეგიონალური მართვის დეპარტამენტის უფროსს, კოტე გვეტაძეს და ამავე დეპარტამენტის რაჭა-ლეჩხუმ-ქვემო სვანეთის განყოფილების უფროსს, ზურაბ ნემსიწვერიძეს, შეხვდა. ამის შესახებ „ინტერპრესნიუსს“ რაჭა ლეჩხუმისა და ქვემო სვანეთის სამხარეო ადმინისტრაციიდან აცნობეს.
შეხვედრის მიზანს მხარეში ეპიდემიოლოგიური ვითარების განხილვა წარმოადგენდა.
სპეციალისტების მიერ რეგიონში გატარებული პრევენციული ღონისძიებები დადებითად შეფასდა.
მათ ასევე, რეგიონში გარემოზე ზემოქმედების საკითხი და საერთაშორისო ორგანიზაციების ჩართულობით მისი მოგვარების გზები განიხილეს.