ფოთში ლუგარის ლაბორატორიიდან 16 მედიკოსის პასუხს ელოდებიან

ფოთის ე.წ. ცხელების ცენტრში ამ დროისთვის 7 პაციენტია მოთავსებული, მათ შორის ორი ბავშვია.

საზოგადოებრივი ჯანდაცვის ცენტრის ინფორმაციით, 4 პაციენტის და ასევე პრევენციის მიზნით, 16 მედიკოსის ბიოლოგიური მასალა გაგზავნილია ლუგარის ლაბორატორიაში.

მათივე ინფორმაციით, ანალიზების პასუხები გვიან ღამით იქნება ცნობილი.

,,დღეს გავაგზავნეთ 4 პაციენტის ანალიზი. ესენი არიან 17 წლის გოგო, 10 თვის ბიჭუნა და 38 წლის მამაკაცი ფოთიდან. ასევე, 62 წლის ქალი ლანჩხუთიდან. საღამოს მივიღეთ კიდევ სამი პაციენტი- 22 წლის გოგო და 4 წლის ბიჭუნა ფოთიდან, ასევე, 37 წლის მამაკაცი ოზურგეთიდან. მათი ანალიზები ხვალ გაიგზავნება ლუგარის ლაბორატორიაში.

დღეს, პრევენციის მიზნით 16 მედიკოსის, მათ შორის 7 ექიმის, ნიმუშები გავაგზავნეთ ლუგარის ლაბორატორიაში. ეტაპობრივად ყველა სამედიცინო პერსონალის ანალიზი გაიგზავნება.

რაც შეეხება ერთადერთ ფოთელ დაინფიცირებულ პაციენტს, რომელიც ექიმია და ქობულეთის ე.წ. კლასტერს უკავშირდება, ბათუმის კლინიკაშია მოთავსებული, თავს კარგად გრძნობს. ექიმების შეფასებით, ავადმყოფობა მსუბუქ ფორმებში მიმდინარეობს", - განაცხადა საზოგადოებრივი ჯანდაცვის ცენტრის დირექტორის მოადგილემ ზინაიდა გაგუამ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს