ფოთში, ლაბორატორიული კვლევის შედეგად, 16 მედიკოსს და 4 პაციენტს კორონავირუსი არ დაუდასტურდა.

საზოგადოებრივი ჯანდაცვის ცენტრის ინფორმაციით, მედიკოსების გამოკვლევა პრევენციის მიზნით ხდება.

„ლუგარის ლაბორატორიაში გავაგზავნეთ 16 მედიკოსის, მათ შორის 7 ექიმის ბიოლოგიური მასალა, ასევე გამოკვლეულ იქნა "ცხელების ცენტრში" რესპორატორული სიმპტომებით შესული პაციენტების ანალიზი. ესენი არიან 17 წლის გოგო, 10 თვის ბიჭუნა და 38 წლის მამაკაცი ფოთიდან. ასევე, 62 წლის ქალი ლანჩხუთიდან. საბედნიეროდ, ოცივე ანალიზის პასუხი უარყოფითია. არც ერთ მათგანს კოვიდ 19 არ აღმოაჩნდა. აქვე მინდა განვმარტო, რომ მედიკოსების გამოკვლევა გეგმური ხასიათისაა და პრევენციის მიზნით განხორციელდა“, – განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.