ეკოლიდერთა სკოლის მონაწილეები გამოვლენილია

გარემოსდაცვითი ინფორმაციისა და განათლების ცენტრმა ეკოლიდერთა სკოლისათვის მონაწილეთა შერჩევა დაასრულა.

როგორც „ინტერპრესნიუსს“ გარემოსდაცვითი ინფორმაციისა და განათლების ცენტრიდან აცნობეს, ქვეყანაში არსებული საგანგებო მდგომარეობის გათვალისწინებით მონაწილეთა შერჩევის მეორე ეტაპი დისტანციურად შედგა.

„ეკოლიდერთა სკოლა გარემოსდაცვითი ინფორმაციისა და განათლების ცენტრის ერთ-ერთი მნიშვნელოვანი სასწავლო პროგრამაა, რომლის მონაწილეებიც კვალიფიციური ადამიანიების დახმარებით გაეცნობიან პლანეტის თანამედროვე გამოწვევებს და იმსჯელებენ პრობლემების გადაჭრის გზებზე, მიიღებენ ცოდნას გარემოსდაცვითი საკითხების შესახებ, განივითარებენ კრიტიკული აზროვნების, საკუთარი მოსაზრების დაცვისა და გუნდური მუშაობის უნარებს. ერთკვირიანი ინტენსიური სასწავლო პროგრამის ფარგლებში, IX-XII კლასის მოსწავლეები შეისწავლიან ისეთ საკითხებს როგორიცაა: გარემოს დაცვა და მდგრადი განვითარება, ნარჩენების მართვა, ბიომრავალფეროვნება, დაცული ტერიტორიები, ეკოსისტემური სერვისები, კლიმატის ცვლილება, ატმოსფერული ჰაერის პოლიტიკა. საქართველოს გარემოს დაცვისა და სოფლის მეურნოების სამინისტროს სსიპ გარემოსდაცვითი ინფორმაციისა და განათლების ცენტრი ქვეყანაში ახალი კორონავირუსით (COVID-19) გამოწვეული საგანგებო მდგომარეობის გამო, ისევე როგორც სხვა სასწავლო დაწესებულებები, გადავიდა ონლაინ მუშაობაზე და აგრძელებს დისტანციური სწავლების რეჟიმს“, - აღნიშნულია ინფორმაციაში.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს