ბოლნისის მერის განცხადებით, სამ სოფელში, სადაც კორონავირუსის ახალი შემთხვევები დაფიქსირდა, კონტაქტების კვლევა მიმდინარეობს

ბოლნისის მუნიციპალიტეტის სამ სოფელში, სადაც covid 19-ის ახალი შემთხვევები დაფიქსირდა, კონტაქტების გამოკვლევა და ტესტირებისთვის ნიმუშების აღება მიმდინარეობს. აღნიშნულის შესახებ „ინტეპრესნიუსს“ ბოლნისის მუნიციპალიტეტის მერმა დავით შერაზადაშვილმა განუცხადა.

მისივე თქმით, მინუციპალიტეტის მასშტაბით, ამ დროისთვის, ტესტირებისთვის 1000-მდე ნიმუშია აღებული.

„გუშინ ჩაიკეტა სამი სოფელი და მიმდინარეობს კონტაქტების აღრიცხვა, პარალელურად ხდება ნიმუშების აღება ცხვირ-ხახიდან და ასევე მიმდინარეობს თერმოსკრინინგი. თერმოსკრინინგის პირველი ეტაპი გაიარა 48 000-მა ადამიანმა, მეორე ეტაპი უკვე 25 000-მა გაიარა. ცხვირ-ხახიდან 1000-მდე ნიმუშია აღებული მთლიანად მუნიციპალიტეტის მასშტაბით.

საერთო ჯამში არის 80 დადასტურება, 2 გარდაცვლილი და 5 გამოჯანმრთელებული“, - განაცხადა შერაზადაშვილმა.

შეგახსენებთ, მაღალი ეპიდემიოლოგიური რისკის გამო, ბოლნისის მუნიციპალიტეტის კიდევ სამი სოფელი - ხატისოფელი, ვანათი და მუშევანი გუშინ ჩაიკეტა. ბოლნისის მუნიციპალიტეტში კორონავირუსის შემთხვევების რიცხვმა 80 შეადგინა, მათგან 19 ახალი შემთხვევაა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ჩვენ ყოველთვის ღია ვართ დისკუსიისთვის - სოციალური კვლევის ინსტიტუტი საქართველოს დაავადებათა კონტროლისა და საზოგადოებრივი ჯანმრთელობის ეროვნულ ცენტრს მიმართავს