ნინო ნიჟარაძის განცხადებით, მიზნობრივი ტესტირება 400-ზე მეტ პირს ჩაუტარდა და შედეგები უარყოფითია

აჭარის ჯანდაცვის მინისტრის მოადგილის, ნინო ნიჟარაძის განცხადებით, PCR დიაგნოსტიკით, მიზნობრივი ტესტირების შედეგად, უკვე 400-ზე მეტი პირია დიაგნოსტირებული და ყველასთან მიმართებით უარყოფითი შედეგია მიღებული.

მისივე თქმით, სამედიცინო პერსონალის ტესტირებას პერიოდული ხასიათი ექნება.

„იცით, რომ უკანასკნელ დღეებში ჩვენ მიზნობრივი ტესტირება დავიწყეთ, რაც გულისხმობს რისკ ჯგუფებისთვის ამ ტესტირების ჩატარებას ე.წ. ოქროს სტანდარტით მოწოდებული PCR დიაგნოსტიკით. უკვე 400-ზე მეტი პირია დიაგნოსტირებული და ყველასთან მიმართებით ჯერჯერობით უარყოფითი შედეგი გვაქვს. პირველ რიგში, ეს გახლავთ სამედიცინო პერსონალი, სასწრაფო-სამედიცინო დახმარების სამსახური, პირველ რიგში „ცხელების კლინიკის“ და შემდეგ მრავალპროფილური სხვადასხვა დაწესებულებების პერსონალი, საკარანტინო სივრცეში დასაქმებული პერსონალი და ის პირები, რომლებიც საზღვრებზე მუშობენ და უშუალო კონტაქტი აქვთ საზღვრის გადმომლახავ პირებთან. მათი ტესტირება სრულად მოხდება.

რაც შეეხება სამედიცინო პერსონალს, ამას პერიოდული ხასიათი ექნება და ყოველ 14 დღეში მათ განმეორებითი ტესტირება ჩაუტარდებათ“,- განაცხადა ნიჟარაძემ.

როგორც მან ჟურნალისტებს განუცხადა, „ქობულეთის კლასტერთან“ დაკავშირებით 550-მდე კონტაქტირებული პირიდან 430-ს ლაბორატორიული ტესტირება უკვე ჩაუტარდა.

„იცით, რომ „ქობულეთის კლასტერთან“ დაკავშირებით გვყავს 550-მდე კონტაქტირებული პირი, უკვე 430-ს ჩაუტარდა ლაბორატორიული ტესტირება, მათ შორის რაღაც ნაწილს განმეორებითი ტესტირება უტარდება და თუკი უარყოფითი პასუხი ექნებათ, რა თქმა უნდა, იზოლაციური პერიოდის გასვლის შემდეგ, ისინი ამ წესებისგან გათავისუფლდებიან და დაემორჩილებიან იმ წესებს, რაც არის ქვეყანაში ან მათ ჩაკეტილ სოფლებში. ეს ჩაკეტვის პერიოდი გაგრძელდება უკანასკნელი პაციენტიდან გამოვლენილი შემთხვევიდან ორი ინკუბაციური პერიოდის, ანუ 28 დღის განმავლობაში“,- განაცხადა ნიჟარაძემ.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა