დუშეთის მუნიციპალიტეტში მცხოვრებ 500 ოჯახს სასურსათო კალათა გადაეცა

დუშეთის მუნიციპალიტეტში კორონავირუსის პრევენციული ღონისძიებების პარალელურად, სოციალური აქტივობები პერმანენტულად გრძელდება. ამის შესახებ „ინტერპრესნიუსს“ დუშეთის მუნიციპალიტეტის მერიიდან აცნობეს.

მათივე ცნობით, დუშეთის მუნიციპალიტეტის მერია, კომპანია „რედკოს“ თანადგომით, სასურსათო პაკეტს გადასცემს მუნიციპალიტეტში მცხოვრებ 500 უკიდურესად გაჭირვებულ ოჯახს.

სურსათის გადაცემის პროცესში თვითმმართველობის და კერძო ბიზნესის წარმომადგენლებთან ერთად აქტიურად ჩაერთნენ: მცხეთა-მთიანეთის სახელმწიფო რწმუნებული შალვა კერესელიძე, დუშეთის მუნიციპალიტეტის მერი ზურაბ სეხნიაშვილი და მერის პირველი მოადგილე ბესიკ ბიჩნიგაური. ხელისუფლების წარმომადგენლებმა მოსახლეობას საკვები პროდუქტები ბინაზე მიუტანეს.

„დუშეთის მუნიციპალიტეტის თვითმმართველობა მადლობას უხდის კომპანია „რედკოს“ მოქალაქეთა დახმარებისა და თანამშრომლობისათვის. აღსანიშნავია, რომ მოქალაქეთა მოწყვლადი ჯგუფების მხარდაჭერის მიზნით, დუშეთის მუნიციპალიტეტში სოციალური აქტივობები რეგულარულად ხორციელდება. გასულ კვირას მუნიციპალიტეტის ბიუჯეტის სარეზერვო ფონდიდან გამოყოფილი თანხით არამალფუჭებადი პროდუქტების პაკეტი გადაეცა 1000 უკიდურესად გაჭირვებულ ოჯახს, 1 თვის სასურსათო მარაგი დაურიგდა ქალაქ დუშეთის უფასო სასადილოს 125 ბენეფიციარს, სასურსათო პაკეტები გადაეცა შატილისა და არხოტის ხეობებში მცხოვრებ 50-მდე ოჯახსაც“, - აღნიშნულია ინფორმაციაში.

ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
ქართული პრესის მიმოხილვა 04.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
როგორ გავუშვათ ბიუჯეტური ონლაინრეკლამა მარტივად მაღალრეიტინგულ ვებგვერდებზე - ინტერვიუ Adword.ge-ს წარმომადგენელთან
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა