იტალიაში გასული დღე-ღამის განმავლობაში კორონავირუსით 260 ადამიანი გარდაიცვალა. ბოლო ინფორმაციით, ქვეყანაში, მთლიანობაში ვირუსით გარდაცვლილთა რიცხვმა 26 644 შეადგინა. აღსანიშნავია, რომ ერთ დღეში სიკვდილიანობის ასეთი დაბალი მაჩვენებელი იტალიაში ბოლოს 14 მარტს დაფიქსირდა. რაც შეეხება ინფიცირების ახალ შემთხვევებს, გასულ 24 საათში კორონავირუსით კიდევ 2 324 ადამიანი დაავადდა.

იტალიაში ინფიცირებულთა საერთო რაოდენობა 197 675-ს შეადგენს. აქედან 65 000-მდე პაციენტი ვირუსისგან განიკურნა. ამჟამად მკურნალობას გადის 106 103 პირი. მათგან 2 000 პაციენტის, ანუ 2%-ის მდგომარეობა მძიმეა.

იტალია, მსოფლიოში ინფიცირებულთა რიცხვით მესამე ადგილზეა, სიკვდილიანობის მაჩვენებლით კი - მეორეზე.