PCR ტესტირების სანდოობას ჩვენ ეჭვის ქვეშ არ ვაყენებთ, ყოველ შემთხვევაში, ამის მტკიცებულება და მისი გადამოწმების სხვა საშუალებაც არ გვაქვს, - ამის შესახებ ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარემ, მაკა სოლოღაშვილმა ჟურნალისტებს განუცხადა.
მისი თქმით, PCR ტესტირება პროტოკოლით ოქროს სტანდარტადაა მოწოდებული და მისი სანდოობის ეჭვის ქვეშ დაყენების საფუძველი არ არსებობს.
„PCR ტესტირების სანდობას ჩვენ ეჭვის ქვეშ არ ვაყენებთ, ყოველ შემთხვევაში ამის მტკიცებულება და მისი გადამოწმების სხვა საშუალებაც არ გვაქვს. პროტოკოლით მოწოდებულია ტესტირება ოქროს სტანდარტად და არანაირი საფუძველი არ გვაქვს, რომ არ ვენდოთ. კლინიკას არანაირი საფუძველი არ აქვს გადაამოწმოს ოქროს სტანდარტი და მისი სანდოობა“, - განაცხადა სოლოღაშვილმა.
რაც შეეხება აგრესიული ტესტირების ჩატარების საჭიროებას, მაკა სოლოღაშვილის თქმით, მას აქვს გარკვეული ჩვენება, თუ როდის უნდა ჩატარდეს.