მარნეულის მერი - მარნეულის ღია ტიპის ბაზარი შესაბამისი რეგულაციების მიხედვით გაიხსნა - მოქალაქეების თერმოსკრინინგი მიმდინარეობს, ვარიგებთ პირბადეებს

მარნეულის მუნიციპალიტეტში ღია ტიპის აგრარული ბაზარი გაიხსნა, - აღნიშნულის შესახებ „ინტერპრესნიუსს“ მარნეულის მერმა ზაურ დარგალმა განუცხადა.

დარგალის განმარტებით, ბაზარი ყველა რეკომენდაციისა და წესის დაცვით ფუნქციონირებს.

„მარნეულის ღია ტიპის აგრარული ბაზარი გაიხსნა შესაბამისი რეგულაციების მიხედვით, რომელიც სოფლის მეურნეობის სამინისტროს მიერ გაიცა. შემოსასვლელში მოქალაქეების თერმოსკრინინგი და დეზინფექცია მიმდინარეობს, ასევე, სათითაოდ ვარიგებთ პირბადეებს, ბაზარში შიგნით, დისტანცია დაცულია. ამ პროცესში აქტიურად იყვნენ ჩართული სოფლის მეურნეობის მინისტრი, მინისტრის მოადგილე, ცენტრალური შტაბის წარმომადგენლები, გუბერნატორი, მაჟორიტარი დეპუტატები და ერთიანი ძალლისხმევით, დღეს ჩვენ სიტუაციას ვაკონტროლებთ. ახლა მარნეულის ღია ტიპის ბაზარში საბითუმო ვაჭრობა მიმდინარეობს, სადაც როგორც გითხარით, ყველა რეკომენდაციაა დაცული“, - განაცხადა დარგალმა.

მისივე განმარტებით, მარნეულის მხარეში კორონავირუსის ახალი შემთხვევა არ გამოვლენილა. დღეს მხოლოდ ერთ ტესტზე ელოდებიან პასუხს.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)