ამბროლაურის მერმა და საკრებულოს თავმჯდომარემ ქალაქში არსებული სასურსათო მაღაზიები და ბაზრები დაათვალიერეს
ქვეყანაში შექმნილი მდგომარეობიდან გამომდინარე, ამბროლაურის მუნიციპალიტეტის მერმა ზვიად მხეიძემ და საკრებულოს თავმჯდომარემ ასლან საგანელიძემ ქალაქ ამბროლაურში არსებული სასურსათო მაღაზიები და ბაზრები დაათვალიერეს.
როგორც „ინტერპრესნიუსს“ ამბროლაურის მუნიციპალიტეტის მერიიდან აცნობეს,
ხელმძღვანელები არსებულ ვითარებას ადგილზე გაეცნენ.
„მუნიციპალიტეტის მერმა და საკრებულოს თავმჯდომარემ მოვაჭრეებთან შეხვედრისას აღნიშნეს, რომ თითოეული ჩვენგანის ვალია დღეს გვერდით დაუდგეთ ჩვენს ქვეყანას, თვითნებურად არ მოახდინოს ვინმემ შექმნილი ვითარების გამოყენებით ფასების მატება და ფასები ხელმისაწვდომი იყოს მოსახლეობისათვის”, - ნათქვამია ინფორმაციაში.
