ქუთაისის ინფექციურ საავადმყოფოში კორონავირუსის დიაგნოზით 62 წლის მამაკაცი ე.წ. ცხელების ცენტრიდან გადაიყვანეს. როგორმა ექიმმა, თემურ ნადირაძემ განაცხადა, პაციენტის ჯანმრთელობის მდგომარეობა სტაბილურია.
არსებული ინფორმაციით, პაციენტი წყალტუბოს მერიის დასუფთავების სამსახურში მუშაობდა და ტემპერატურა ერთ-ერთ გამშვებ პუნქტზე დაუფიქსირდა, საიდანაც მამაკაცი კვლევებისთვის ე.წ. ცხელების ცენტრში გადაიყვანეს. ეპიდემიოლოგები მის კონტაქტებს იკვლევენ.
ამ დროისთვის ქუთაისის ინფექციურ საავადმყოფოში 20 პაციენტია მოთავსებული. მათი ჯანმრთელობის მდგომარეობა დამაკმაყოფილებელია. დღეს კლინიკიდან კიდევ ორი გამოჯანმრთელებული პაციენტი გაეწერება.