„აჭარის ავტონომიური რესპუბლიკის 2020 წლის რესპუბლიკური ბიუჯეტის შესახებ“ კანონში შესატანი ცვლილების განხილვის პროცედურები იწყება. როგორც „ინტერპრესნიუსს“ აჭარის მთავრობიდან აცნობეს, გადაწყვეტილება საკანონმდებლო ორგანოს წევრებმა ბიუროს რიგით მე-7 სხდომაზე მიიღეს.
მათივე ცნობით, აჭარის მთავრობის თავმჯდომარის მიერ ინიცირებული კანონის პროექტი საფინანსო-საბიუჯეტო და ეკონომიკურ საკითხთა კომიტეტის თავმჯდომარემ გიორგი რომანაძემ წარმოადგინა. უწყების ინფორმაციით, უმაღლესი საბჭოს კომიტეტები და ფრაქციები საბიუჯეტო ცვლილებების პროექტს, არსებული ვითარებიდან გამომდინარე, დაჩქარებულ ვადებში - 29 აპრილის ჩათვლით განიხილავენ. ბიუროს სხდომაზე ასევე სხვადასხვა საკითხებიც განიხილეს.