ამერიკის შეერთებული შტატების პრეზიდენტის დონალდ ტრამპის განცხადებით, ჩინეთს კორონავირუსის შეჩერება შეეძლო, რის გამოც შესაძლებელია მათი პასუხისმგელობლობის საკითხი დადგეს და აღნიშნულ საკითხთან დაკავშირებით სერიოზულ გამოძიებას აწარმოებენ.

როგორც ამერიკის პრეზიდენტმა გუშინ, თეთრ სახლში გამართულ ბრიფინგზე განაცხადა, ახალი კორონავირუსით გარდაცვლილთა რიცხვმა ამერიკის შეერთებულ შტატებში შესაძლოა 70,000 - ს მიაღწიოს.

„ჩინეთს შეეძლო კორონავირუსის შეჩერება, ვიდრე ის მთელ მსოფლიოს მოედებოდა. ბევრი გზაა, რითაც შეიძლება მათი პასუხისმგებლობა დადგეს. ჩვენ ძალიან სერიოზულ გამოძიებას ვაწარმოებთ და კმაყოფილი არ ვართ არსებული სიტუაციით, რადგან გვჯერა, რომ შესაძლებელი იყო ამის შეჩერება წყაროსთან. შეიძლებოდა მისი სწრაფად შეჩერება, რომ არ გავრცელებულიყო მთელ მსოფლიოში,“ - აღნიშნა დონალდ ტრამპმა.