ფოთიდან ლუგარის ლაბორატორიაში დღეს 17 პირის ბიოლოგიური მასალა გაიგზავნა. საზოგადოებრივი ჯანდაცვის ცენტრის ინფორმაციით, გამოსაკვლევ პირებს შორის 2 „ცხელების ცენტრის“ პაციენტია, 15 კი სამედიცინო დაწესებულების პერსონალია. კვლევის შედეგები ხვალ გახდება ცნობილი.
„მედიკოსებსა და სამედიცინო დაწესებულების სხვა პერსონალს გეგმური კვლევა ჩაუტარდათ. აღნიშნული ღონისძიება პრევენციული ხასიათისაა. რაც შეეხებათ პაციენტებს, ისინი „ცხელების ცენტრში“ რესპირატორული სიმპტომებით არიან მოთავსებული და ბოქსირებულ პალატებში მკურნალობენ. ანალიზების პასუხები სავარაუდოდ, ხვალ გახდება ცნობილი“, - განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.
ამასთან, ფოთში, დღეს საღამოს, გუშინ გაგზავნილი 25 პირის ანალიზის პასუხს ელოდებიან.