რაჭა-ლეჩხუმისა და ქვემო სვანეთის სამხარეო ადმინისტრაცია ლენტეხის მუნიციპალიტეტში მკაცრი საკარანტინო შეზღუდვების მოხსნაზე ინფორმაციას ავრცელებს

უწყებათაშორისი საკოორდინაციო საბჭოს გადაწყვეტილებით, ლენტეხის მუნიციპალიტეტში მკაცრი საკარანტინო შეზღუდვები მოიხსნა. როგორც „ინტერპრესნიუსს“ რაჭა-ლეჩხუმისა და ქვემო სვანეთის სამხარეო ადმინისტრაციიდან აცნობეს, ადგილობრივი ექიმების მიერ პერიოდულად ხდება სოფლებში ოჯახებში შემოვლა, რის შედეგადაც ბოლო რამოდენიმე დღეა, მუნიციპალიტეტში ვირუსისთვის დამახასიათებელი რაიმე სიმპტომი არ დაფიქსირებულა.

მათივე ცნობით, სახელმწიფო რწმუნებული არჩილ ჯაფარიძე ლენტეხის ბლოკ-პოსტთან იმყოფება, საიდანაც ლენტეხის მოსახლეობას და პროცესებში მონაწილე ყველა სტრუქტურას დროული რეაგირებისთვის მადლობა გადაუხადა.

„დაინფიცირებული პაციენტის გამოვლენისთანავე სოფ. მელეში ყველა ოჯახში და დაბა ლენტეხში ჩატარდა სადეზინფექციო სამუშაოები. სოფლის რწმუნებულისა და დეპუტატის მიერ ყოველდღიურად ხდებოდა მოსახლეობისთვის პრევენციული ღონისძიებების გაცნობა. პირადად ვიყავი ჩართული ამ პროცესებში.

ეპიდემიოლოგებმა გამოავლინეს დაინფიცირებული მამაკაცის და მისი ოჯახის წევრების პირველადი და მეორადი კონტაქტები, რომელიც შეადგენდა დაახლოებით 100 ადამიანს და მკაცრ თვითიზოლაციაში ამყოფეს.

პირველივე დღიდან სოფ. მელეში და დაბა ლენტეხში ჩატარდა თერმოსკრინინგი, მომდევნო დღეებში ლენტეხში სრულად 4300 მაცხოვრებელს ჩაუტარდა შემოწმება, რომლის შედეგადაც ვირუსისთვის დამახასიათებელი სიმპტომები არ გამოვლენილა. ასევე, არ გამოვლენილა სიმპტომები სოფლის ექიმების ოჯახებში შემოვლისას, რომლებიც თითოეული მაცხოვრებლის მდგომარეობას ადგილზე ეცნობოდნენ. ლენტეხის საავადმყოფოს ბაზაზე მოეწყო "ცხელების ცენტრი" და იქ შესულ პაციენტებს, აგრეთვე შემხებლობაში მყოფ 32 პირს, მათ შორის, სამედიცინო პერსონალს ჩაუტარდა კვლევა, ყველა მათგანზე პასუხი უარყოფითი იყო. ლენტეხის მუნიციპალიტეტის მოსახლეობამ მაქსიმალურად გაითვალისწინა ჯანდაცვის სამინისტროს რეკომენდაციები და რაიმე კანონსაწინააღმდეგო ქმედება არ გამოვლენილა“, - ნათქვამია ინფორმაციაში.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)