სამდღიანი ძებნის შემდეგ, თელავის მუნიციპალიტეტის სოფელ გულგულაში მცხოვრები 80 წლის მოხუცი მაშველებმა გარდაცვლილი იპოვეს. ცხედარს მყვინთავებმა დღეს დილით, მდინარე ალაზანში მიაკვლიეს.
ადგილზე პოლიცია და სამაშველო სამსახურია მობილიზებული.
ადგილობრივების ინფორმაციით, ხანდაზმულს საქონელი სამწყემსად ჰყავდა წაყვანილი, თუმცა მას შემდეგ, რაც სახლში არ დაბრუნებულა, ოჯახმა პოლიციას მიმართა.
მდინარის პირას მოხუცის ტანსაცმელი იპოვეს, რის გამოც მისი ძებნა როგორც მდინარის მიმდებარედ, ასევე წყალშიც მიმდინარეობდა.
მომხდარზე გამოძიება 115-ე, თვითმკვლელობამდე მიყვანის მუხლით მიმდინარეობს.