რუსთავში, აღმაშენებლის გამზირზე ავტოსაგზაო შემთხვევის შედეგად ერთი ადამიანი დაშავდა. შემთხვევა ცოტა ხნის წინ მოხდა, ერთმანეთს ორი მიკროავტობუსი შეეჯახა. შეჯახების შედეგად, ერთ-ერთი მიკროავტობუსის მძღოლმა საჭე ვერ დაიმორჩილა, გზის სავალი ნაწილიდან გადავიდა და ამოტრიალდა.
შემთხვევის შედეგად დაშავდა 67 წლის მამაკაცი, რომელიც სასწრაფო დახმარების ბრიგადამ კლინიკა „რუსთავში” გადაიყვანა. როგორც კლინიკა „რუსთავში" აცხადებენ, დაშავებულს ამ დროისთვის შესაბამისი გამოკვლევები უტარდება.
ადგილზე საპატრულო პოლიციაა მობილიზებული. გამოძიება სსკ-ის 276-ე მუხლის მეორე ნაწილით დაიწყო.