ანაკლია-განმუხურის საკარანტინო სივრცეში ამ დროისთვის 92 პირია მოთავსებული. რეგიონში ამ დროის მონაცემებით, 189 ადამიანი თვითიზოლაციაში რჩება, 872 პირს კი თვითიზოლაცია მოეხსნა. ამის შესახებ ინფორმაციას სამეგრელო-ზემო სვანეთში სახელმწიფო რწმუნებულის აპარატი ავრცელებს. მათივე ცნობით, გუშინ რეგიონიდან გამოსაკვლევად 55 ნიმუში იყო გაგზავნილი, აქედან 38 ტესტზე პასუხი უარყოფითია. დღეს 17 ნიმუშის პასუხს ელოდებიან, რომელიც ფოთიდან გააგზავნეს.

ამასთანავე, როგორც სამეგრელო-ზემო სვანეთის სახელმწიფო რწმუნებულის ადმინისტრაციაში განმარტავენ, საქართველოს პრეზიდენტის, 2020 წლის 21 მარტის №1 დეკრეტითა და საქართველოს მთავრობის 2020 წლის 23 მარტის N 181 დადგენილებით გათვალისწინებული საგანგებო მდგომარეობის რეჟიმით დადგენილი მოთხოვნების, კერძოდ: საკომენდანტო საათის დროს გადაადგილების წესების დარღვევისათვის 1 პირი დაჯარიმდა.