ბორჯომში კორონავირუსის გავრცელების პრევენციის მიზნით, ქუჩების რეცხვა-დეზინფექციის სამუშაოები აქტიურად გრძელდება.
როგორც ბორჯომის მუნიციპალიტეტიდან „ინტერპრესნიუსს“ აცნობეს, სპეციალური ხსნარებით ირეცხება საავტომობილო გზები, საფეხმავლო ბილიკები, ასევე სასურსათო მარკეტების, ბანკების, ბენზინგასამართი სადგურების, სამედიცინო დაწესებულების მიმდებარე ტერიტორიები. დეზინფექცია უტარდება მრავალბინიან საცხოვრებელ სახლებს და მათ გარე სივრცეებს.
„ინტენსიურად ხდება ასევე დაბა ბაკურიანში საკარანტინო ზონების მიმდებარე ტერიტორიებისა და ქუჩების დეზინფექცია.
აღნიშნული ღონისძიებების გარდა, ქალაქის უბნებში დასუფთავების სამუშაოები გრძელდება.
ღონისძიებებში აქტიურად არიან ჩართულები ა(ა)იპ დასუფთავება-კეთილმოწყობისა და სხვა ა(ა)იპ სამსახურები“, - აღნიშნულია ბორჯომის მუნიცპალიტეტის მიერ გავრცელებულ ინფორმაციაში.