ფოთის საბავშვო ბაღებში პროდუქტის გაცემის მეორე ეტაპი დაიწყო

ფოთის მუნიციპალიტეტის მერის, გოჩა კურდღელიას გადაწყვეტილებით, პანდემიასთან ბრძოლის პირობებში, მუნიციპალიტეტის 15 -ვე საბავშვო ბაგა-ბაღის აღსაზრდელებისთვის პროდუქტების გაცემის მეორე ეტაპი დაიწყო.

როგორც „ინტერპრესნიუსს“ ფოთის მერიიდან აცნობეს, სურსათის გაცემის პროცესში ქალაქ ფოთის მერი გოჩა კურდღელია, მერის მოადგილე პაატა ლაგვილავა, მუნიციპალიტეტისა და ა(ა)იპ სკოლამდელი სააღმზრდელო დაწესებულებების თანამშრომლებთან ერთად ჩაერთო.

მუნიციპალიტეტის მერმა აღნიშნა, რომ პროცესი სპეციალისტების რეკომენდაციებისა და უსაფრთხოების ყველა წესის დაცვით მიმდინარეობს.

„ვაგრძელებთ პროდუქტების გაცემას სკოლამდელი აღზრდის სექტორში რეგისტრირებულ 1934 აღსაზრდელზე. გადასაცემ პაკეტებში მოთავსებულია 8 სახეობის არამალფუჭებადი პროდუქტი. ბაღებში მოწყობილია სპეციალური სივრცეები, სადაც უზრუნველყოფილია სანიტარიულ-ჰიგიენური და უსაფრთხოების ნორმები, გათვალისწინებულია ყველა რეკომენდაცია. მინდა, მადლობა გადავუხადო სკოლამდელი აღზრდის სექტორის წარმომადგენლებს, რომლებმაც პროცესის ორგანიზებისთვის, დიდი შრომა გაწიეს“, - აღნიშნა გოჩა კურდღელიამ.

კორონავირუსის პრევენციული ღონისძიებების ფარგლებში, ფოთის მუნიციპალიტეტის 15-ვე საბავშვო ბაღში სადეზინფექციო სამუშაოები ჩატარდა.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე