რუსთავში ე.წ. სტამბოლის ბაზრის მოვაჭრეები აქციას მართავენ. მათი თქმით, თითქმის მთელ საქართველოში გაიხსნა ბაზრები და რუსთავში ამის უფლებას არ აძლევენ. ისინი ბაზრის ღია სივრცის გახსნაზე ნებართვას ითხოვენ.
„ბაზრის გახსნას ვითხოვთ. ოჯახები გვყავს, შვილები გვყავს და ვითხოვთ ბაზრის გახსნას. ეს ბაზარი აკმაყოფილებს აბსოლუტურად ყველა სტანდარტს. დირექცია მზად არის, მომზადებული აქვთ ყველაფერი, რათა ბაზარი გაიხსნას. ყველანაირი საშუალება აქვთ მოტანილი, დეზინფექცია იქნება თუ რაც იქნება, რაც საჭიროა. დისტანციის დაცვაც მოხდება. მარკეტში შედიან ადამიანები, დახურულ სივრცეში და აქ ამხელა ღია სივრცეა. მინიმუმ 300 ადამიანია ამ ბაზარში დასაქმებული”, - განაცხადა აქციის ერთ-ერთმა მონაწილემ.