უკრაინაში კორონავირუსით ინფიცირებულთა რაოდენობამ 10 000-ს გადააჭარბა. კერძოდ, ქვეყანაში, ბოლო დღე-ღამის მანძილზე ვირუსის 540 ახალი შემთხვევა გამოვლინდა და საერთო ჯამში ინფიცირებულთა რიცხვი 10 406-მდე გაიზარდა.

ამასთან, ქვეყანაში ბოლო 24 საათის განმავლობაში ვირუსით 11 ადამიანი დაიღუპა და გარდაცვლილთა რაოდენობამ 261-ს მიაღწია.

უკრაინის ჯანდაცვის უწყების ცნობით, ამ დროისთვის გამოჯანმრთელებულია 1 200-ზე მეტი პაციენტი, ხოლო აქტიური შემთხვევების რაოდენობა 8 907-ს შეადგენს.