ზვიად შალამბერიძე - სოფელ ღვანკითში მესამე დღეა კორონავირუსის ახალი შემთხვევა არ გამოვლენილა

სოფელ ღვანკითში უკვე მესამე დღეა, რაც კორონავირუსის ახალი შემთხვევა არ გამოვლენილა, - აღნიშნულის შესახებ „ინტერპრესიუსს“ იმერეთის მხარეში სახელმწიფო რწმუნებულმა ზვიად შალამბერიძემ განუცხადა.

როგორც შალამბერიძე განმარტავს, მთლიან იმერეთში კორონავირუსის შესაძლო ერთი ახალი შემთხვევა წყალტუბოს კლასტერიდანაა.

„მესამე დღეა, რაც ღვანკითში ახალი დადასტურებული შემთხვევა არ გვაქვს. ანალიზები რაც გვქონდა აღებული, ყველას შემთხვევაში უარყოფითი პასუხი მოვიდა. თვითონ სოფელში ვითარება მშვიდია და კონტროლს ექვემდებარება. კონტაქტების გამოვლენას ვაგრძელებთ, რომ რაიმე არ გამოგვრჩეს. იქ ჩვენი ეპიდემიოლოგები კვლავაც მუშაობენ და ბლოკ-პოსტებია კვლავ განთავსებული.

მთლიან იმერეთს რაც შეეხება, ერთი სავარაუდოდ, დადასტურებული ფაქტი გვაქვს, რომელიც წყალტუბოს შემთხვევას უკავშირდება. ის ერთ-ერთი კონტაქტი იყო წყალტუბოში ინფიცირებულ ადამიანთან. აღნიშნული პირი ინფექციურ საავადმყოფოში გადაიყვანეს. ის თავიდანვე კარანტინში იმყოფებოდა“, - განაცხადა შალამბერიძემ.

მისივე განმარტებით, საგაზაფხულო სამუშაოების შესრულების მიზნით ქალაქიდან გასვლის მსურველთათვის ქუთაისის მერიაში საშვების გაცემა გრძელდება.

„საგაზაფხულო სამუშაოებთან დაკავშირებით, იმ ადამიანებისთვის, რომელთაც სურთ ქალაქგარეთ გავიდნენ დილის 06:00 საათიდან 08:00 საათამდე, ან საღამოს 18:00-დან 19:00 საათამდე, ქუთაისის მერიაში საშვების გაცემა დღესაც გრძელდება. მოქალაქეების სიმრავლე შეინიშნება, თუმცა, რიგი კონტროლდება, დისტანცია დაცულია და საშვების გაცემაც სწრაფ რეჟიმში მიმდინარეობს“, - განაცხადა შალამბერიძემ.

დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ქართული პრესის მიმოხილვა 30.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო