ირაკლი ბერაიამ იტალიის ელჩთან ონლაინ შეხვედრა გამართა

პარლამენტის საგარეო ურთიერთობათა კომიტეტის თავმჯდომარემ, ირაკლი ბერაიამ იტალიის ელჩთან საქართველოში, ენრიკო ვალვოსთან ონლაინ შეხვედრა გამართა.

საქართველოს პარლამენტის ინფორმაციით, მხარეებმა განიხილეს საქართველოსა და იტალიაში არსებული ეპიდემიოლოგიური ვითარება, საპასუხოდ გატარებული ღონისძიებები და სამომავლო ნაბიჯები. ირაკლი ბერაია, იტალიელ დიპლომატს ხელისუფლების ანტიკრიზისულ გეგმაზე და შეზღუდვების ეტაპობრივი მოხსნის ნაბიჯებზე ესაუბრა.

„კომიტეტის თავმჯდომარემ გამოხატა სოლიდარობა იტალიელი ხალხისა და ხელისუფლების მიმართ ამ რთულ ვითარებაში და მწუხარება გამოთქვა პარტნიორ ქვეყანაში პანდემიის შედეგად ადამიანების გარდაცვალების გამო.

შეხვედრაზე განსაკუთრებული ყურადღება დაეთმო საქართველოს ოკუპირებულ რეგიონებში არსებული ვითარების განხილვას. ისაუბრეს რუსეთის უკანონო ქმედებებზე, მათ შორის, უკანონო შეზღუდვების გამკაცრებაზე, წვრთნებზე, ბორდერიზაციაზე, დეზინფორმაციასა და პროპაგანდაზე. კომიტეტის თავმჯდომარემ ხაზგასმით აღნიშნა ოკუპანტ სახელმწიფოზე ზეწოლის გაზრდის აუცილებლობა, ევროკავშირის შუამდგომლობით დადებული ცეცხლის შეწყვეტის შეთანხმების პირობების და საერთაშორისო სამართლით ნაკისრი ვალდებულებების შესრულების მიზნით“ , - ნათქვამია ინფორმაციაში.

მათივე ცნობით, მნიშვნელოვანი ადგილი დაეთმო საქართველოს ევროატლანტიკურ ინტეგრაციაზე საუბარს, NATO-ს 2020 წლის 2 აპრილის მინისტერიალზე მიღებულ გადაწყვეტილებას შავი ზღვის უსაფრთხოების კონტექსტში საქართველოს მხარდაჭერის ახალი ზომების შესახებ. ყურადღება გამახვილდა საქართველოში ალიანსის სამხედრო ხომალდების ვიზიტზე, რომელთაგან ერთ-ერთი, საფლაგმანო ხომალდი ITS VIRGIIO FASAN იტალიის ფლოტს ეკუთვნის.

„იტალიელმა დიპლომატმა კიდევ ერთხელ გამოხატა მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ, მაღალი შეფასება მისცა COVID 19 - ის საპასუხოდ საქართველოს ხელისუფლების მიერ გადადგმულ ნაბიჯებს და მადლობა გადაუხადა კომიტეტის თავმჯდომარეს იტალიელი ხალხისა და ხელისუფლების მიმართ გამოხატული სოლიდარობისთვის“ , - ნათქვამია ინფორამციაში.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის