ფოთში 26 ადამიანს კორონავირუსი არ დაუდასტურდა, ე.წ ცხელების ცენტრის 3 პაციენტის პასუხი ხვალ გახდება ცნობილი

ფოთში, 26 სამედიცინო პერსონალს კორონავირუსი არ დაუდგინდა. ამ დროისათვის ქალაქში კორონავირუსზე სულ 99 მედიკოსია გამოკვლეული.

საზოგადოებრივი ჯანდაცვის ადგილობრივი ცენტრის ინფორმაციით, მედპერსონალის იმ ნაწილს, რომელსაც შეხება აქვს საეჭვო სიმპტომების მქონე პაციენტებთან, 14 დღეში ერთხელ კორონავირუსზე კვლევა ჩაუტარდება.

,,მედიკოსების კვლევა გეგმიური ხასიათისაა და პრევენციული მიზნით განხორციელდა. გამოვიკვლიეთ ის ადამიანები, რომლებსაც საეჭვო სიმპტომების მქონე პაციენტებთან აქვთ შეხება. საბედნიეროდ, არც ერთ მათგანს კორონავირუსი არ აღმოაჩნდა. ამ დროისათვის ,,კოვიდ 19“ -ზე ფოთში სულ 99 მედიკოსია გამოკვლეული, საბედნიეროდ ყველა ანალიზის პასუხი უარყოფითია. სხვადასხვა მიზნობრივი ჯგუფების კვლევები მომავალშიც გაგრძელდება.

ზოგადად ჩვენს ქალაქში არის სიმშვიდე. არ გვყავს არცერთი ინფიცირებული", - განაცხადა საზოგადოებრივი ჯანდაცვის ცენტრის დირექტორმა, ნანა მხეიძემ.

ფოთის ,, ცხელების კლინიკიდან“ დღეს კიდევ სამი პაციენტის ნიმუში გაიგზავნა გამოსაკვლევად. ანალიზის პასუხები ხვალ გახდება ცნობილი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს