შინაგან საქმეთა სამინისტროს სასაზღვრო პოლიციის ვერტმფრენმა თუშეთის მიმართულებით, ადგილობრივი მოსახლეობის დასახმარებლად, სამოქალაქო რეისები შეასრულა,- ამის შესახებ „ინტერპრესნიუსს“ შსს-დან აცნობეს. მათი ინფორმაციით, ვერტმფრენით თუშეთის რამდენიმე სოფლის მკვიდრის ტრანსპორტირება, ასევე, საჭირო პროდუქტებისა და ნივთების გადაზიდვა მოხდა.
„გარდა ამისა, სასაზღვრო ვერტმფრენის მეშვეობით მესაზღვრეთა როტაცია განხორციელდა. რთული გეოგრაფიული და მეტეოროლოგიური პირობების გამო, თუშეთის სოფლები გარე სამყაროს ჯერ კიდევ მოწყვეტილია და მოსახლეობასთან კომუნიკაცია შინაგან საქმეთა სამინისტროს სასაზღვრო პოლიციის ვერტმფრენის საშუალებით ხდება“,- ნათქვამია ინფორმაციაში.