რუსთავის საკრებულოს დეპუტატი კორონავირუსისგან განიკურნა. ამის თაობაზე ინფორმაცია „ინტერპრესნიუსს" რუსთავის საკრებულოს თავმჯდომარე ლევან ონიანმა დაუდასტურა.
„ჩვენი დეპუტატი გამოჯანმრთელდა, ერთ შვილს კლინიკური ნიშნები დაავადების აღარ აქვს, თუმცა ტესტმა მსუბუქი დადებითი დაადასტურა ისევ. გამოჯანმრთელებულები არიან ასევე მისი დედ-მამა და ერთი მცირეწლოვანი შვილი" ,- განაცხადა ონიანმა.
ცნობისთვის, რუსთავის საკრებულოს დეპუტატი კორონავირუსით დედისგან დაინფიცირდა, რომელიც თავის მხრივ ე.წ. ეროვნული ბანკის კლასტერს მიეკუთვნება. კორონავირუსით დაინფიცირებული იყო ასევე დეპუტატის მამა და ორი შვილი.