ამბროლაურის მუნიციპალიტეტში მაისის თვის პენსიის დარიგება მიმდინარეობს. როგორც „ინტერპრესნიუსს“ ამბროლაურის მუნიციპალიტეტის მერიიდან აცნობეს, პენსიის დარიგების პროცესს ამბროლაურის მუნიციპალიტეტის მერი ზვიად მხეიძე ადგილზე გაეცნო.

მათივე ინფორმაციით, საქართველოს მთავრობის გადაწყვეტილებით და „ლიბერთი ბანკთან“ აქტიური თანამშრომლობით, ქვეყანაში კორონავირუსის გავრცელების პრევენციის მიზნით პენსიონერებს "ლიბერთი ბანკი" ადგილზე ემსახურება;

„ჩვენი მოსახლეობის დიდ ნაწილს პენსიონერები შეადგენენ და მნიშვნელოვანია მათთვის საჭირო სერვისი დროულად და უსაფრთხოდ მიიღონ. სახელმწიფო მნიშვნელოვან ღონისძიებებს ატარებს COVID-19 ვირუსის პრევენციის მიზნით და დღევანდელი მდგომარეობის პირობებში მაქსიმალურად უზრუნველყოფს მოსახლეობის სხვადასხვა კატეგორიისათვის საჭირო მომსახურების მიწოდებას“, - აღნიშნა ზვიად მხეიძემ.