რუსეთის საგარეო საქმეთა სამინისტროს პრესსპიკერმა, მარია ხაზაროვამ ოპოზიციონერ ალექსეი ნავალნისთან დებატების გამართვაზე უარი განაცხადა. მისი თქმით, ნავალნის მიერ წამოყენებული თემები, განსახილველი არ იყო.
„ლაჩარი ხარ შენ ნავალნი, უკანასკნელი ლაჩარი. ქალთან ბრძოლის დროსაც კი, კაცს ეფარები“,-დაწერა ზახაროვამ „ფეისბუქის“ საკუთარ გვერდზე.
დებატების გაუქმების შესახებ ალექსეი ნავალნიმაც განაცხადა.
„როგორც იცით, გუშინ მე მან დებატებში გამომიწვია. რა თქმა უნდა, დავთახმდი ნებისმიერ ფორმატს, რაზეც საჯაროდ განვაცხადე. მარია ლიუბოვ სობოლს დაუკავშირდა ტექნიკური დეტალების გასარკვევად, ჩვენ მოდერატორად ალექსეი პივოვაროვი წარვადგინეთ. უნდა ყოფილიყო რეგლამენტი-ჩვეულებრივი სადებატო ფორმატი, გამოსვლა სამი წუთით, კითხვა-პასუხი. ის დათანხმდა. მოგვიანებით მან უარი განაცხადა მოდერატორზე. ონლაინ რეჟიმში დებატები მოდერატორის გარეშე უცნაურია, მაგრამ რადგან ნებისიერ ფორმატს დავთანხმდი, ამაზეც მზად ვიყავი. თუმცა მოგვიანებით ზახაროვამ პოსტი გამოაქვეყნა „უკანასკნელი ლაჩარი ხარ ნავალნი“. ესაა საგარეო საქმეთა სამინისტროს უმაღლესი სკოლა. კიდევ ერთხელ, პირდაპირ და საჯაროდ ვადასტურებ, რომ ჩემი პოზიცია არ შეცვლილა. მე დავთანხმდი ამ დებატებს და მზად ვარ გავმართო ის მოდერატორის გარეშეც“, - აცხადებს ნავალნი.
ცნობისთვის, გუშინ მარია ხაზაროვამ ალექსეი ნავალნი დებატებისთვის გამოიწვია. დებატები 17:00 საათზე უნდა დაწყებულიყო, თუმცა ჩაიშალა.