მარიამ ქვრივიშვილი - ჩვენთვის პრიორიტეტულია ტურიზმის ინდუსტრიის ყველა წარმომადგენლისთვის შეიქმნას შესაბამისად მორგებული დახმარების პაკეტი

მთავრობის ანტიკრიზისული გეგმის - ბიზნესის მხარდაჭერის პროგრამების შესახებ გამართულ პრეზენტაციაზე ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა ტურიზმის სექტორისთვის დახმარების პაკეტის შექმნის შესახებ ისაუბრა.

„ანტიკრიზისული გეგმის ერთ-ერთი მთავარი ნაწილია ტურიზმის ინდუსტრია, რომელიც სამწუხაროდ განსაკუთრებით დაზარალდა ახალი კორონავირუსის გავრცელების ფონზე. მიმდინარეობს მუშაობა ტურიზმის ინდუსტრიის ყველა წარმომადგენლისთვის შეიქმნას მათზე მორგებული დახმარების პაკეტი. პრემიერ-მინისტრმა განაცხადა რომ გარდა იმისა რაც მთავრობამ ტურიზმის ინდუსტრიას შესთავაზა, კიდევ მუშავდება ახალი გეგმა, რათა ძალიან მიზნობრივად დავეხმაროთ ყველა იმ დარგის წარმომადგენელს, რომელიც შემოსავლის წყაროს გარეშე დარჩა. ეს შემდეგი სეგმენტური ჯგუფებია: ტურისტული კომპანიები, გიდები, სატრანსპორტო კომპანიები, სასტუმრო ბიზნესი, სარესტორნო ბიზნესი, რომელიც ასევე იყოფა მცირე, საშუალო და დიდ ქსელურ ბრენდებად.

დღეს ყველას უკლებლივ ერთი და იგივე პრობლემა აქვს, ტურისტული ინდუსტიის გაჩერება, რაც ისახება მათ შემოსავლებზე. ჩვენთვის მთავარია, რომ ყველა ის ადამიანი, რომელიც წლების განმავლობაში ტურისტულ სექტორში იყო დასაქმებული, შეძლოს მუშაობის გაგრძელება. ჩვენ პოზიტიური მოლოდინები გვაქვს, მთავარია ახლა ბიზნესს და ამ სფეროში დასაქმებულ ადამიანებს ხელი შევუწყოთ, რათა სწორი განვითარების ეტაპებით შეძლონ არა მხოლოდ ძველ ნიშნულზე , არამედ კიდევ უფრო მეტად გაუმჯობესებულ ინდუსტრიაში დასაქმება და შესაბამისი შემოსავლის მიღება”, - განაცხადა მარიამ ქვრივიშვილმა.

პრეზენტაცია, რომელიც ეკონომიკისა და მდგრადი განვითარების მინისტრმა ნათია თურნავამ გამართა წარმოდგენილი იყო დეტალური ინფორმაცია სამინისტროსა და მის სისტემაში შემავალი სტრუქტურული ქვედანაყოფების მიერ მთავრობის ანტიკრიზისული ეკონომიკური გეგმის თანახმად დაგეგმილი პროგრამების შესახებ.

აღნიშნულ ინფორმაციას ტურიზმის ეროვნული ადმინისტრაცია ავრცელებს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება