რესპუბლიკური საავადმყოფოს დირექტორის ლევან გოფოძის ინფორმაციით, კლინიკაში კორონავირუსით ინფიცირებული 44 პაციენტი მკურნალობს.
მისივე ცნობით, რესპუბლიკურ საავადმყოფოში არც ერთი კოვიდინფიცირებული პაციენტის მდგომარეობა არ არის მძიმე.
„ჩვენთან ამჟამად 62 პაციენტია და აქედან 44 არის კოვიდინფიცირებული. გუშინ დაგვემატა 1 პაციენტი, საშუალო ასაკის მამაკაცია. საბედნიეროდ არ აქვს მძიმედ გამოხატული პნევმონია. ასევე გუშინ და გუშინწინ კლინიკა დატოვა კიდევ ათმა გამოჯანმრთელებულმა პაციენტმა. გამოჯანმრთელებულთა საერთო რაოდენობა რესპუბლიკურ საავადმყოფოში არის 17. რაც შეეხება დანარჩენ კოვიდინფიცირებულ პაციენტებს, რომლებიც მკურნალობას აგრძელებენ, არცერთი მათგანის მდგომარეობა არ არის მძიმე და კრიტიკული. რამდენიმე პაციენტის მდგომარეობა, ვისაც დადგენილი აქვს პნევმონია, შეიძლება შევაფასოთ საშუალო სიმძიმით. დანარჩენების მდგომარეობა დამაკმაყოფილებელია, მკურნალობა პროტოკოლის შესაბამისად უტარდებათ. მართვით სუნთქვაზე არც ერთი პაციენტი არ გვყავს,“ - განაცხადა გოფოძემ.