ზუგდიდის ინფექციური საავადმყოფოს ლაბორატორია COVID 19-ზე 81 პაციენტს PCR ტექნოლოგიით იკვლევს, მათ შორის არიან მედიკოსებიც, - აღნიშნულის შესახებ „ინტერპრესნიუსს“ საავადმყოფოს პრესსამსახურიდან აცნობეს.
ჩატარებული კვლევების პასუხი დღეს გვიან საღამოს გახდება ცნობილი. როგორც ლაბორატორიის ხელმძღვანელი ლელა ქაჯაია აცხადებს, ხვალ სასწრაფო სამედიცინო დახმარების მედიკოსებს გამოიკვლევენ.
„ლაბორატორიამ სრული დატვირთვით დაიწყო დღეიდან მუშაობა და დღეს უკვე ერთდროულად 81 პაციენტს გამოვიკვლევთ COVID 19-ზე. უკვე ადგილზეა ჩინური რეაქტივები, ამ მხრივ დაბრკოლება არ გვექნება. ხვალ სხვა პაციენტებს შორის სასწრაფო სამედიცინო დახმარების მედიკოსებს გამოვიკვლევთ. ასე რომ, ჯერ ყველაფერი წინ არის. აღსანიშნავია ისიც, რომ დადებითი დინამიკა სამეგრელოში შენარჩუნებულია,"-აცხადებს ლელა ქაჯაია.