იმერეთის სახელმწიფო რწმუნებულის პირველმა მოადგილემ და ქუთაისის მერის მოვალეობის შემსრულებელმა „სამი ოთარის" ძეგლი გვირგვინებით შეამკეს
იმერეთის სახელმწიფო რწმუნებულის პირველმა მოადგილემ იოსებ ხახალეიშვილმა და ქუთაისის მერის მოვალეობის შემსრულებელმა დავით ერემეიშვილმა „სამი ოთარის" ძეგლი გვირგვინებით შეამკეს. ამის შესახებ ინფორმაციას იმერეთის სახელმწიფო რწმუნებულის პრესსამსახური ავრცელებს. მათივე განცხადებით, „გვირილობის“ დღესასწაულის აღნიშვნა ქუთაისში უკვე წარმოუდგენელია ოთარ ქორქიას, ოთარ მამფორიას და ოთარ სულაბერიძის ძეგლების პატივგების გარეშე.
„როგორი ფორმატითაც არ უნდა აღინიშნებოდეს „გვირილობა“ ჩვენს ქალაქში, წარმოუდგენელია, არ გავიხსენოთ ეს სამი დიდებული ქუთაისელი- ქალაქელობის, ქართველობის, ადამიანობის სიმბოლოებად რომ არიან ჩვენს ცნობიერებაში დარჩენილნი“, - განაცხადა იოსებ ხახალეიშვილმა.
