აჭარაში 24 საათის განმავლობაში კორონავირუსის ახალი შემთხვევა არ გამოვლენილა.

როგორც აჭარის ჯანდაცვის სამინისტროში განაცხადეს, ლაბორატორიული კვლევა 372 პირს ჩაუტარდა და არცერთ მათგანს კორონავირუსი არ გამოუვლინდა.

ამ დროისათვის აჭარაში, კლინიკა "მედალფაში" 24 ინფიცირებული მკურნალობს.

საერთო ჯამში აჭარაში ლაბორატორიული კვლევა 4000-ზე მეტ პირს ჩაუტარდა, მათ შორის 1000-მდე სამედიცინო პერსონალი იყო.

ამასთან, შეგახსენებთ, რომ ქობულეთში რამდენიმე სოფელი მკაცრ საკარანტინო ზონად რჩება.