აჭარაში კორონავირუსისგან ორი ადამიანი გამოჯანმრთელდა.
როგორც კლინიკა "მედალფაში" "ინტერპრესნიუსს" განუცხადეს, ორ პირს საკონტროლო ტესტის შედეგად კორონავირუსი არ დაუდასტურდა. ისინი კლინიკას დღეს დატოვებენ.
კლინიკა "მედალფას" ინფორმაციით, აჭარაში კორონავირუსით ინფიცირებული 22 ადამიანი რჩება, მათ შორის ერთი ადამიანის ჯანმრთელობის მდგომარეობა სტაბილურად მძიმეა.
"ჩვენ ჩავუტარეთ განმეორებითი ტესტი და ორ მათგანს კორონავირუსი აღარ დაუდასტურდა. მათ დღეს კლინიკიდან გავწერთ. ამ დროისათვის 22 ინფიცირებული კლინიკა "მედალფაში" გააგრძელებს მკურნალობას, მათგან 76 წლის მამაკაცის ჯანმრთელობის მდგომარეობა სტაბილურად მძიმეა, თუმცა მართვით სუნთქვაზე აღარ იმყოფება",- განაცხადეს კლინიკაში
ცნობისთვის, აჭარაში ბოლო 24 საათის განმავლობაში 372 ლაბორატორიული კვლევა ჩატარდა, თუმცა არცერთ მათგანს კორონავირუსი არ დაუდასტურდა.