ფოთში, ლაბორატორიული კვლევის შედეგად, სამ პირს კირონავირუსი არ დაუდასტურდა. მათ შორის ერთი სამი წლის გოგონაა.

ამასთან, ცხელების კლინიკის ექიმების ინფორმაციით, დღეს ტესტირება კიდევ სამ პაციენტს ჩაუტარდა, რომლის ანალიზის პასუხები ხვალ გახდება ცნობილი.

„სამი პაციენტის პასუხი, რომელსაც ტესტი გუშინ ჩაუტარდა, უარყოფითია. ესენი არიან 33 წლის კაცი გრიგოლეთიდან, 16 წლის გოგო ლანჩხუთიდან და 3 წლის გოგონა ფოთიდან. ამ დროისთვის გვყავს 3 ახალი პაციენტი - 42 წლის მამაკაცი ფოთიდან, 49 წლის ქალი ოზურგეთიდან და სამი წლის გოგონა ფოთიდან. სამივეს ბიოლოგიური მასალა ლაბორატორიაში დილით გაიგზავნა,”- განაცხადა ფოთის ჰოსპიტალის დირექტორმა, თეა მიგინეიშვილმა.