ზუგდიდის ინფექციური საავადმყოფოს ლაბორატორიაში კორონავირუსზე დღეს გამოკვლეულ 57 პაციენტს აღნიშნული ინფექცია არ დაუდასტურდა. ამის შესახებ „ინტერპრესნიუსს“ ზუგდიდის ინფექციური საავადმყოფოდან აცნობეს.
მათივე ცნობით, გამოკვლეულთა შორის 112-ის ზუგდიდის ფილიალის 17 მედიკოსი და სენაკის ცხელების კლინიკის 6 ექიმი იყო. დანარჩენი სხვა პაციენტები საკარანტინო სივრციდან და ცხელების ცენტრებიდან იყვნენ.
ცნობისთვის, ზუგდიდის ინფექციური საავადმყოფოს ლაბორატორიაში ამ დრომდე 250-მდე პაციენტია გამოკვლეული. ლაბორატორიაში covid 19-ზე PCR ტექნოლოგიით კვლევები ყოველდღიურ რეჟიმში მიმდინარეობს.