თბილისის ზღვის ჰოსპიტლის კრიტიკული მედიცინის დეპარტამენტის ხელმძღვანელის მარეხი ბექაიას განმარტებით, კორონავირუსზე ჩატარებული 31 კვლევიდან 29 უარყოფითია, ხოლო ორის კვლევა გრძელდება. როგორც მან ჟურნალისტებს განუცხადა, ერთი პაციენტი მძიმე მდგომარეობაშია და მართვით სუნთქვაზე იმყოფება.

„ამჟამად კლინიკაში 45 პაციენტი იმყოფება. 31 კვლევა გაიგზავნა, 2-ის გრძელდება და 29 უარყოფითი პასუხი მივიღეთ. დაწყებულია პაციენტების გადაყვანა. კლინიკაში ამჟამად ერთი მძიმე პაციენტია, ის მართვით სუნთქვაზე იმყოფება, ხანდაზმული ასაკის ადამიანია, შაქრიანი დიაბეტით. დღეს გაიგზავნება კვლევაზე ქალბატონის ტესტი“, - განაცხადა ბექაიამ.

მან არ გამორიცხა, რომ შესაძლოა, აღნიშნულ პაციენტს კორონავირუსი დაუდგინდეს. „ცხელებიდან და სუნთქვის უკმარისობიდან გამომდინარე, გამორიცხული არ არის“, - განაცხადა ბექაიამ.