აჭარაში კორონავირუსისგან კიდევ ორი ადამიანი გამოჯანმრთელდა. როგორც აჭარის ჯანდაცვის სამინისტროში განაცხადეს, პაციენტები კლინიკა "მედალფას" დღის ბოლოს დატოვებენ. პაციენტებს საკონტროლო ტესტის შედეგად კორონავირუსი აღარ უდასტურდებათ.

აჭარის ჯანდაცვის სამინისტროს ცნობით, დღესვე ლაბორატორიული კვლევა 35 პირს ჩაუტარდა და არცერთ მათგანს კორონავირუსი არ დაუდასტურდა.

ბოლო მონაცემებით, აჭარაში კლინიკა "მედალფაში" კორონავირუსით ინფიცირებული 21 პაციენტი აგრძელებს მკურნალობას.