ევროპაში კორონავირუსის გავრცელების ტალღა იკლებს. ამის შესახებ დაავადებათა კონტროლისა და პროფილაქტიკის ევროპული ცენტრის ხელმძღვანელმა ანდრეა ამონმა განაცხადა.

„შაბათს, როგორც ჩანს, გავრცელების საწყისი ტალღის პიკი იყო. ევროკავშირის უმეტეს ქვეყანაში ინფიცირების შემთხვევათა კლება მიმდინარეობს. მხოლოდ ერთ ქვეყანაშია კვლავაც ზრდა და ოთხში არსებითი ცვლილება არ არის“, - განაცხადა ამონმა ევროპარლამენტის კომიტეტში გამოსვლისას.

მისი თქმით, მხოლოდ ბულგარეთში ბოლო 14 დღის განმავლობაშია ზრდის მაჩვენებელი, ხოლო პოლონეთში, რუმინეთში, შვედეთსა და დიდ ბრიტანეთშია არსებითი დინამიკა.

ცნობისთვის, მსოფლიო მასშტაბით კორონავირუსით დაინფიცირების რაოდენობა 3 მილიონ 500 ათასს აჭარბებს.