კახეთის მხარეში სახელმწიფო რწმუნებულის, ირაკლი ქადაგიშვილის განცხადებით, ლუგარის ცენტრში გაგზავნილი 270 ნიმუშიდან ყველას შემთხვევაში კორონავირუსზე უარყოფითი პასუხი მოვიდა.

როგორც ქადაგიშვილი განმარტავს, მათ მხარეში კორონავირუსით ამ ეტაპზე, მხოლოდ ერთი პირი რჩება დაინფიცირებული.

„4 მაისს, ლუგარის ცენტრში PCR ტესტებისთვის 270 ნიმუში იქნა გაგზავნილი, აქედან ყვარლის, სიღნაღის და ლაგოდეხის 84 კონტაქტი იყო. კვლევამ ყველა მათგანზე უარყოფითი შედეგი აჩვენა. დაინფიცირებულ ქალბატონთან დაკავშირებული ყველა კონტაქტი მოძიებულია - თითქმის 150 კონტაქტია დატესტილი და ყველგან უარყოფითი პასუხი მოვიდა. აღნიშნულ ქალბატონს დამატებითი კვლევები ბოჭორიშვილის კლინიკაში უტარდება, საღამოს საბოლოო პასუხი გვეცოდინება. მთელი კახეთის მასშტაბით, თვითიზოლაციაში ამჟამად 34 ადამიანი იმყოფება“, - განაცხადა ქადაგიშვილმა.

რაც შეეხება უქვ ნალექს, როგორც სახელმწიფო რწმუნებული აცხადებს, წუხელ მოსულ უხვ ნალექს მხარისთვის პრობლემა არ შეუქმნია.