გუბერნატორი - გორიდან გაგზავნილი ყველა ნიმუშის პასუხი უარყოფითია, რეგიონში covid 19-ის ახალი შემთხვევები არ დაფიქსირებულა

ეპიდემიოლოგებისა და საზოგადოებრივი ჯანდაცვის სამსახურის თანამშრომლების მხრიდან მუნიციპალიტეტის ტერიტორიაზე მიმდინარე სკრინინგის საფუძველზე, ლუგარის ლაბორატორიაში დამატებით 14 მოქალაქის და ასევე, სამედიცინო დაწესებულებების პერსონალის ნიმუშები გაიგზავნა. ლაბორატორიული კვლევის საფუძველზე, ყველა ნიმუშზე უარყოფითი პასუხია, - აღნიშნული განცხადება ჟურნალისტებთან შიდა ქართლის გუბერნატორმა გააკეთა. გიგი ხოჯევანიშვილის ინფორმაციით, სკრინინგი კვლავ გრძელდება.

„გუშინ მიზანშეწონილად ჩაითვალა 14 პირის ტესტირება covid 19-ზე, ასევე, მოგეხსენებათ, ინტენსიურად მიმდინარეობს რეგიონის სხვადასხვა კლინიკაში მომუშავე მედპერსონალის გადამოწმება და ამჟამადაც გაიგზავნა ნიმუშები. ყველა პასუხი უარყოფითია. არც გორის მუნიციპალიტეტში და არც მთლიანად რეგიონში, ახალი დადასტურებული შემთხვევები არ გვაქვს. განსაკუთრებული მონიტორინგი ხორციელდება იმ პირებზე, რომლებიც თვითიზოლაციაში იმყოფებიან, ასეთი კი, გორის მუნიციპალიტეტის სოფლებში 100-ზე მეტია“, - განაცხადა მხარის რწმუნებულმა.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო